Өмірбаян

Мелдебекова Алия Абдугаппаровна 1982 жылы туған, ұлты қазақ. Әл-Фараби атындағы Қазақ Ұлттық университеті, биология факультетінің бакалавриатын 2003 жылы, 2005 ж. магистратурасын «Биология» мамандығы бойынша үздік бітірді. 2005- 2007 жылдар аралығында әл-Фараби атындағы ҚазҰУ-нің аспирантурасында оқып, 2010 жылы «Қазақстанның түрлі аймақтарындағы түйе сүті мен шұбатындағы белоктардың құрамы және ауыр металдардың мөлшері» тақырыбында 03.00.04 – биохимия мамандығы бойынша кандидаттық диссертация қорғады. Мелдебекова А.А. ғылыми-зерттеу жұмыстарын жүргізуге белсенді қатысады. 2005 жылдан 2009 жылдар аралығында: Франция Сыртқы істер Министрлігі тарапынан ECO-NET «Тұтынылатын сүттің сапасына ластаушы заттардың әсері», 2009- 2011 жж. «Қазақстанның әртүрлі аймақтарындағы топырақ-су-жайылым өсімдіктері-түйе сүті тізбегіндегі ауыр металдардың, пестицидтердің және радионуклидтердің құрамын бағалаудың ғылыми-әдістемелік негіздерін жасау» фундаменталдық зерттеулер бағдарламасы жоба (тіркелу № №0109РК00154); ҚР АШМ 2008-2010 жж. «FAO және FIL/IDF талаптарына сәйкес ұлттық түйе сүті өнімдерінің технологияларын жетілдіру және нормативтік құжаттарын әзірлеу» жобасы; ҚР АШМ «Сүт және сүт өнімдерінің сапасы мен қауіпсіздігін басқару бойынша халықаралық ISO және Codex Alimentarius әдістерін енгізу бойынша оқытуды ұйымдастыру» (2011-2012 жж) жобасының жетекшісі. 2011-2014 ж.ж. ҚР БҒМ және Әлемдік Банк қаржыландыратын «Қазақстандық технологияларды коммерцияландыру» бағдарламасының кіші ғылыми қызметкерлер тобына арналған гранттың, АР 19676645 "Бие сүтінің сарысу ақуыздарынан биологиялық белсенді пептидтер өндіру биотехнологиясы" жобасында орындаушы ретінде қатысты. А.А.Мелдебекованың ғылыми еңбектері отандық және импакт-факторы бар шетелдік басылымдарда жарияланған, Хирш индексі 3, Scopus базасында индекстелетін журналдарда 7, Web of Science базасындағы журналдарда 6 мақаласы жарық көрген. 2007, 2012 ж.ж. Халықаралық агрономиялық зерттеулер орталығында (CIRAD, Монпелье қ., Франция), София Антиполис университетінде (Ницца қ., Франция) халықаралық ғылыми тағылымдамалардан өтті. 2014 жылы MASHAV бағдарламасы бойынша Hebrew University Jerusalem (Израиль); Анже Жоғары Агрономия мектебінде (L’Ecole Superieur d’Agriculture, Анже қ., Франция) біліктілігін арттырды. 2017 жылы АҚШ Мемлекеттік Департаменті қаржыландыратын TechWomen-2017 бағдарламасының грант иегері болып, биотехнология, геномды секвенирлеу бойынша Illumina компаниясында (АҚШ) біліктілігін арттырды.